ஆரோக்கியம் தரும் பாதாம் சூப் எப்படி செய்யலாம்

எளிய முறையில் பாதாம் சூப் உங்கள் வீட்டிலேயே செய்யலாம். பாதாம் சூப் ஆரோக்கியத்துடன் உற்சாகத்தையும் உங்களுக்கு அள்ளித்தரும். எப்படி செய்யலாம் என்பதை பற்றி தெரிந்து கொள்வோம்  
இதற்க்கு தேவையானவை: பாதாம் - 50 கிராம், வெங்காயம் - 1, செலரி, பாஸில் இலை - சிறிதளவு, காய்கறி வேகவைத்த தண்ணீர் - 1/2 லிட்டர், பால் - 1 கப், பாதாம் - சிறிதளவு, மிளகுத்தூள், உப்பு - தேவையான அளவு.

செய்முறை: பாதாம்பருப்பை கொதிக்கும் தண்ணீரில் போட்டு 10 அல்லது 15 நிமிடம் வரை வைத்திருந்து தோலை உரித்தெடுக்கவும். ஒரு பாத்திரத்தில், உரித்த பாதாம், செலரி, பாஸில், நறுக்கிய வெங்காயம், காய்கறி வேக வைத்த தண்ணீர் எல்லாவற்றையும் சேர்த்து வேகும் வரை கொதிக்க வையுங்கள் . வெந்தவுடன் இறக்கி, மிக்ஸியில் அரைத்தெடுக்கவும். இதில் உப்பு, மிளகுத்தூள் சேர்க்கவும். இதனை அடுப்பில் வைத்து, மிக சிறு தீயில் சிறிது நேரம் கிண்டி, அடுப்பிலிருந்து இறக்கும்போது பால் சேர்க்கவும். இதனை சூப் கிண்ணத்தில் ஊற்றி, மேலே வறுத்த பாதாமை நறுக்கி சேர்த்துப் பரிமாறுங்கள்